Ha imo tangbuanan may nagpapanaghoy Mamingaw nga takna, upod an harupoy Tamda an kasakit ine nga ha imo nag-aandoy Pobres ko nga lawas nga ha imo nag-aandoy Birilngon ka nga ladawan nga tikang ha langit Ginsisingba ta ikaw ha adlaw ug ha gab-i Daw bitoon nga maanyag lamrag han kangitngit — Haroy, lawas ko mag-aantos kay amo man an akon swerte

Ginhilum ko an pagbati Han basuni nga ak gin-inantos ¡ahay!, ¿Hain daw la an himaya Nga testigos han langit ug tuna?, ¡ahay! Nagsiring ka nga laumi Adton gugma nga diri mabalhin Kay an kalipay nga hingyap han dughan Nga ginlalauman han akon kalag. ¡Ay gugma ko! ¿hain ka? Hingyap han akon kalag Dumduma gad pastilan, Gugma nga halad ha im! Udhanon ka pagkita Kon ako in mamatay ahay Hinigugma ko

Di ak nahuhulop ha tiempo amihan Halu-ag an Samar nga pagpipilian Kada Sabado damo an bunyagan Ini nga lawas ko di aangan-angan. Di ak nahuhulop ha tiempo amihan Damo an sundalo nga pagpipilian Pipili-on ko an binansilan Kay maupay inday pagtarutanggiran. Inday (Intoy) kon waray ka la pagyagayaga Kinasal na kita yana. May-ada na naton bata, may na bata, Nagdarudalagan ha tuna. Inday, Inday nakain ka Han kasunog han monyika

Daw sugad hin bukad ine’n ak kahimtang dinhe ha kalibutan May takna nga pagrakdag kon nagugurang na Iya katapusan; Ngan kon biyoos pa an usa nga tiaw dayon pipingguton la Ngan sa kadugayan katapos pagpulsi an tiaw bayaan. Salit diri, diri ako magpapasulay Han duha nga gugma nga saad hin lipay. Gabay waray, waray lugod ako masangakay Bas tibway an lipay han ak pagka-uray tubto ha kamatay

Daw nasusunog, sidsid han langit Pati an dagat gindadala-it Bangin ha unhan, may nagkaingin Nga madlos huyog hinin hangin. Iton mga balod, iton mga balod Mulayan han dagat Nga dit’ ha kalawdan, nagbabalatbagat An gab-i nga dulom, an gab-i nga dulom An dagat naranggat. Nga nakakali-aw han mga dumaragat. Adto na’n adlaw, nagligidligid Didto huhuron, luyo han bukid Bunyog panguli an katamsihan Nahadlok bangin magab-ihan

Diri na gud ako, diri na gud ako Maghihigot hin manok Kon ako nalakat, kon ako nalakat Iba an nahapyod Kon ako naabot, kon akon naabot Barahibo kuno Asya’n tinikangan, asya’n tinikangan Pagra-ot han buot Bis’ ka pa gad Iday, bis’ ka pa gad Iday Magpulbo, magsudlay Magpabansil ka pa, mag-ariyos ka pa Maglipstick hin pula Magpahamot ka pa, magsapatos ka pa Magkapuro seda Daw sugad in buring, bis’ pa

Bahal nga tuba, bahal nga manamit Nga kon lag-okon, diri gud nahapit. Matin-aw daw tubig, baga igo la’n kapait Nalangoy ha but-ol hin diri pinirit. Padis han pakdol nga linaga Bis mag-irignom nga mag-aga Tiyan mailob hin pikada Bisan unanhon nga hugada. Aber butangi basi higustohan Ihin hubas-hubas basi tikangan Kay nanunubod na’t ak nasaragan Di nga tumay-ong di na tagayan. Tagay na bangkero, Tagay na, ayaw palipat Upaya iton

Mag-aano ako kon mawara ka ha akon Ha ngatanan nga oras akon ta ikaw iiliwon Tungod kay ikaw akon hinigugma An akon kalipayan dinhi ha tuna. Sanglit ayaw ibutang ha imo hunahuna Nga ha imo ako mabaya Kay diri ko mahihimo ha akon higugmaon Tubtob ha kamatay akon ta ikaw mamahalon

¡Ahay! mga pangandoy, ¡ahay! ¡Ahay! sa kinabuhi, ¡ahay! Inop nga napara sa mga mata daw aso Diri magaantos, pirit ako nga mag-aantos An luha sa mata, daw burabod, ¡ay ahay! Imo la ginlimot o ginsalikway Hain na an harok sadton imo mga im-im Ginpasipara o ginlimot o ginkawang