HELP ANSWER THIS QUESTION:
SHARE THIS QUESTION:
¿Diin ba an tubtuban
Ngaran nga pagsarangkay?
¿Nasagdaw ba sa sugbong
Sa oras san kagupong?
Sangkay, ¿sangkay la ba sa pulong
Nga pag-abot san takna
Napalagiw la dayon?
¿Hain adton mga palad nga magsasagubay
San akon kagul-anan sugad man sa kalipay?
Kawang an mga pulong
Kon hirayo sa buhat
Kay sa binuhatan,
Matin-aw ngatanan
Sangkay, ¿sangkay la ba sa pulong
Nga pag-abot san takna
Napalagiw la dayon?
Waray ko nakikita
Kundi an mga dagaw
Dagaw nga napapara
Sa akon lamiraw
Sangkay, ¿sangkay la ba sa pulong
Nga pag-abot san takna
Napalagiw la dayon?
¿Hain adton mga palad nga magsasagubay…?
SHARE THIS QUESTION:
